Aртета во Арсенал го сака тандемот кој блесна во финалето на Мундијалот

„Топчиите“ веќе пронајдоа замена за Леандро Тросар во талентираниот грчки фудбалер Цолис, но најзвучните имиња допрва се очекува да пристигнат на „Емирати“. Според најновите информации, Арсенал сериозно е заинтересиран за Феран Торес и Нико Вилијамс.

Станува збор за двајца шпански репрезентативци кои имаа важна улога во освојувањето на светската титула на Шпанија, Торес како стрелец, а Вилијамс како асистент при решавачкиот гол во финалето против Аргентина.

Феран Торес, по пет успешни сезони во Барселона, најверојатно летово ќе ја промени средината. До истекот на неговиот договор останува уште една година, па каталонскиот клуб сака да заработи од неговата продажба. Не е тајна дека тренерот на Пари Сен Жермен, Луис Енрике, би сакал повторно да соработува со сонародникот, но во трката сега се вклучува и Арсенал, предводен од шпанскиот стратег Артета.

Доколку трансферот се реализира, Торес би се вратил во Премиер лигата, каде што настапуваше за Манчестер сити во сезоната 2020/21.

Во меѓувреме, Нико Вилијамс веќе подолго време е на радарот на „топчиите“, а се чини дека ова лето би можело да биде вистинскиот момент крилниот напаѓач конечно да се пресели во англискиот шампионат.

Покрај Торес и Вилијамс, меѓу желбите на Арсенал се споменуваат и Бредли Баркола од Пари Сен Жермен, како и аргентинскиот напаѓач Хулијан Алварез, уште две големи имиња кои оставија силен впечаток на последното Светско првенство.