Ако сакате да освоите Светско првенство, потпишете за – Тотнем!

21 јули 2026 - 07:40

Тотнем се смета за еден од „најмалерозните“ клубови во светот, бидејќи како член на големата шесторка во Премиер лигата практично и не размислува дека во блиска иднина може да стане шампион, меѓутоа сега се појави и еден интересен податок поврзан со Мундијалот.

„Петлите“ дури минатата сезона се бореа за опстанок и едвај се спасија од испаѓање, но нивните фудбалери на штотуку завршеното Светско првенство се покажаа во одлично светло и беа многу подобри отколку во клупскиот дрес.

Дефанзивната линија на Тотнем во состав Педро Поро, Мики ван де Вен, Кристијан Ромеро и Џед Спенс беше фантастична во репрезентациите на Шпанија, Холандија, Аргентина и Англија, а на крајот најмногу заслужи да стане светски шампион Шпанецот Поро.

Десниот бек така ја продолжи традицијата според која фудбалер на Тотнем освојува Светско првенство и тоа третпат по ред. Пред него, во 2022 година, токму Ромеро со Аргентина ја крена „златната божица“, додека во Русија 2018 година тоа му успеа на легендарниот француски голман Уго Лорис.