Иранскиот репрезентативец во солзи: Не знам со што го заслужи ова нашиот народ (ВИДЕО)

27 јуни 2026 - 13:42

Иран остана во неизвесност по драматичното реми 1-1 против Египет бидејќи неговото место во нокаут фазата на Светското првенство се уште не е загарантирано.

Иранците имаа момент во последните минути од натпреварот што можеше да промени сè, постигнаа гол, но тој беше поништен поради офсајд за кој никој не е апсолутно уверен дека постоеше. По натпреварот, Рамин Резаиан испрати емотивна порака до иранскиот народ. Искусниот интернационалец тешко го криеше своето разочарување по натпреварот во кој Иран беше само еден чекор подалеку од резултат што ќе им донесеше помирен исход.

„Не знам што да кажам. Не знам зошто имаме таква несреќа, еднаш, двапати, трипати, четири, петпати. Не знам што направи нашиот народ за да го заслужи ова. Се надевам дека сè уште можеме да се квалификуваме за нашите граѓани да се чувствуваат подобро, заслужуваат повеќе од ова. Се боревме колку што можевме. Не беше важно дали ќе умреме вечерва. Само сакавме да го направиме нашиот народ среќен“, рече Резаиан.

Иран одигра нерешено 1-1 со Египет, но тој резултат не беше доволен за да го потврди својот пласман. Сега мора да ги почека другите резултати и да се надева дека тие ќе го однесат меѓу најдобрите третопласирани екипи.