Белингам: Дуелот против Баерн Минхен е финале за нас!

15 април 2026 - 14:21

Реал Мадрид вечерва му гостува на Баерн Минхен на „Алијанц Арена“ во реваншот од четвртфиналето во Лигата на шампиони (ЛШ), а Џуд Белингам смета дека можат да направат пресврт и да го елиминираат ривалот по поразот во првиот меч со 1-2.

Белингам кажа дека сите фудбалери се фокусирани пред вечерашното дерби во Минхен и ќе дадат сè од себе на теренот.

„Свесни сме за нашата ситуација и подготвени сме за тоа што нè чека. Натпреварот во Минхен за нас е финале. На крајот, нашата сезона зависи од тоа. Ќе се обидеме да дадеме сè од себе“, кажа фудбалерот на Реал.

Реваншот меѓу Баерн и Реал се игра вечерва од 21 часот во Минхен.

Фото: Facebook/Real Madrid C.F.