Tиквеш со пресврт ја реши Струга, Шкендија лесно до три бода (ВИДЕО)

13 април 2026 - 17:22

Во рамките од 27-то коло во ПМФЛ денеска беа одиграни два натпревари во кои победи забележаа екипите на Шкендија и Тиквеш.

Тиквеш во Струга славеше со пресврт 2-1. Домаќините први стигнаа до водство по 20 минут игра, кога по ударот на Радески топката од ногата на голманот Тасев заврши во неговата мрежа.

Сепак, Тиквеш брзо се врати и пет минути подоцна со голот на Рамадани израмни на 1-1. Со по еден гол на двете страни се замина и на паузата.

Моментот на одлука се случи во 56-ѕата минута кога во листата на стрелци се запиша Сила.

Натпреварот во Струга го обележа и една непријатна сцена кога Сенегалецот, Папе Фал само некоја минута откако влезе во игра на местото на Воша се соочи со непријатен пад. Сцената изгледаше навистина вознемирувачки и може да ја погледнете – ТУКА.

Во вториот натпревар кој се играше во Тетово немаше никакви изненадувања и Шкендија лесно со победа од 6-0 ја оправда фаворитската улога против Шкупи.