Битола вечерва ќе гори – гостува вечниот ривал, а Работнички ќе игра и за Вардар!

Средбата се игра под рефлектори на стадионот „Петар Милошевски“, во која домашниот тим влегува охрабрен по големата победа над Шкендија во Тетово, со која ја прекина серијата од седум натпревари без триумф. Тоа воедно беше победничко деби за тренерот Марјан Секулоски.

„Победата над Шкендија може да биде пресвртница во сезоната. Очекуваме поддршка од трибините и веруваме во позитивен резултат“, изјави капитенот Мирко Ивановски.

Вардар во Битола доаѓа по убедливата победа над Македонија ЃП (5-1), но и со дополнителен мотив поради трката за титулата. Поддршка ќе има и од навивачите, откако Комити најавија организирано гостување. Ново славје на Вардар би значело задржување на лидерската позиција, додека евентуален кикс повторно ќе ја отвори битката на врвот.

Претходно, на теренот број 2 во тренинг-центарот „Петар Милошевски“ на ФФМ, силите ќе ги одмерат Работнички и Шкендија (15.30 часот). Дебармаалци се во одлична форма оваа пролет и врзаа четири победи по ред, со што сериозно ги зголеми шансите во битката за опстанок. Скопскиот тим влегува мотивирано и против актуелниот шампион.

„Самодовербата на тимот е на максимално ниво и сакаме да ја искористиме добрата форма за нови бодови“, изјави голманот Фабрис Ондоа, кој брани во одлична форма во последните кола.

Шкендија, пак, во Скопје доаѓа по домашниот пораз од Пелистер, резултат што дополнително ја искомплицира битката за титулата. Тетовци сега имаат три бода помалку од лидерот Вардар и нов кикс би значел сериозен удар за шампионските амбиции.

„Во модерниот фудбал нема лесни натпревари. Мора да бидеме максимално фокусирани“, изјави Арбен Зејнулаи од таборот на Шкендија.