Пасторе откри зошто Енцо го посетил Мадрид - не бил на преговори со Реал!           

02 мај 2026 - 13:24

Хавиер Пасторе, кој е менаџер на ѕвездата на Челси, Енцо Фернандез откри зошто фудбалерот бил во посета на Мадрид, откако во медиумите се појавија шпекулации дека тој преговарал со шпанскиот гигант Реал.

Фернандез претходно отворено флертуваше со „кралевите“, а во Мадрид беше забележан како се сретна и со Џуд Белингам, а тоа дополнително ги „разгоре“ шпекулациите за неговата иднина, меѓутоа Пасторе вели дека не постојат преговори.

„Кога и да има слободен ден, тој доаѓа во Мадрид затоа што јас живеам таму, а има и пријатели. Тоа е сè, нема ништо повеќе, негова цел е да ја заврши сезоната со Челси, да има добар настап на Мундијалот, а потоа ќе видиме“, кажа Пасторе.

Фото: Facebook/Chelsea Football Club