Сè е подготвено за спектакл: Охрид против Целје ќе брка финале во Европскиот куп

„Гладијаторите“ имаат негатива од еден гол (26-27) од првиот натпревар против Целје, но денеска ќе се обидат да се изборат за историско финале во елитното натпреварување, а дополнителна помош ќе добијат од полните трибини на салата „Билјанини Извори“.

Тренерот на Охрид, Борис Ројевиќ веќе го објави и составот за вечерашниот натпревар, а надвор од конкуренција за настап се БНорозан, Петриќ, Трајчески и уште неколку ракометари.

Доколку успее да го елиминира Целје, Охрид во финалето ќе се соочи против Татабања, каде што игра македонскиот ракометар Филип Талески.

Натпреварот меѓу Охрид и Целје се игра вечерва во салата „Билјанини Извори“ од 19 часот, а пренос ќе врши „МРТ3“.

Фото: Facebook/ ГРК Охрид - GRK Ohrid