Словенија ни е „пациент“, Шкотска еднаш ја победивме, со Швајцарија играме првпат!

12 февруари 2026 - 20:19

Македонската фудбалска репрезентација денеска ги доби противниците за новото издание од Лигата на нации, од Словенија сме подобри во меѓусебните дуели, од Шкотска сме полоши, а првпат ќе играме против Швајцарија.

Македонија првпат ќе игра на второто ниво од Лигата на нации, а тоа ни донесе и подобри противници, Шкотска, Словенија и Швајцарија се подобро рангирани од нас.

Иако Словенија е подобро рангирана од нас, со нив имаме позитивна статистика. Сме одиграле седум меча, сме победиле дури четирипати, две средби завршиле нерешено, имаме само еден пораз.

Против Словенците го одигравме и првиот официјален меч кога како гости ги совладавме со 4-1.

Словенија - Македонија 1-4 1993
Македонија - Словенија 2-0 1994
Македонија - Словенија 3-2 2012
Словенија - Македонија 1-0 2016
Словенија - Македонија 1-1 2019
Македонија - Словенија 2-1 2019
Македонија - Словенија 1-1 2021

Со Шкотска имаме одиграно четири натпревари, еднаш ги победивме, славевме со 1-0 со гол на Илчо Наумоски. Имаме два порази од нив и еднаш сме одиграле нерешено.

Македонија - Шкотска 1-0 2008
Шкотска - Македонија 2-0 2009
Шкотска - Македонија 1-1 2012
Македонија - Шкотска 1-2 2013

Швајцарија е една од ретките репрезентации во Европа со кои досега не сме се сретнале.