Македонија ја чека пеколно темпо: Четири меча за десетина дена!

12 февруари 2026 - 20:42

Македонската фудбалска репрезентација денеска ги дозна противниците за новата сезона од Лигата на нации која ќе има густ распоред во групната фаза.

Се падневме во групата Б1 заедно со селекциите на Шкотска, Швајцарија и Словенија. Утре треба да биде определен и распоредот на натпревари, а засега се познати термините кои оваа сезона се многу густи.

Во групната фаза има шест кола кои ќе се играат во два прозорци, а во првиот ќе има дури четири кола, ова ќе се случи првпат откако е формирана Лигата на нации.

Првото коло ќе се игра од 24 до 26 септември, а четвртото од 4 до 6 октомври оваа година, што значи дека фудбалерите за десетина дена ќе треба да одиграат четири меча.

Во ноември се играат петтото (12-14 ноември) и шестото коло (15-17 ноември), по што ќе заврши групната фаза во Лигата на нации.

Четвртфиналните натпревари како и плејоф дуелите ќе се играат од 25 до 30 март 2027. Завршниот турнир на кој селекциите од А сегментот ќе се борат за трофејот ќе се одржи од 9 до 13 јуни 2027 година.