Ал Наср победува, а Роналдо нема намера да се врати во тимот

07 февруари 2026 - 12:16

Веќе една недела Кристијано Роналдо штрајкува и не сака да игра натпревари за Ал Наср, во знак на револт од, како што вели, игнорантскиот однос на Државниот инвестициски фонд (ПИФ) кон неговиот клуб.

Тој смета дека тоа е причината што Ал Наср не може да освои трофеј, но без својата најголемата ѕвезда, тимот сепак оствари две победи во претходните две кола, совладувајќи го и кандидатот за титула Ал Итихад. Последните информации велат дека Роналдо нема намера да се врати во тимот и претстојната недела кога Ал Наср го очекува осминафинале во втората Лига на шампиони на Азија што е еквивалент на европската Лига Европа.

Ал Наср треба да патува во Узбекистан, на дуел со тамошниот Аркадаг, мечот е закажан за 11 февруари, а Роналдо, наводно, нема да игра ни на овој меч.