Светскиот и европски шампион на колена: Хрватска ја шокира Германија!

27 февруари 2026 - 22:19

Кошаркарите на Хрватска триумфираа против светскиот и европски шампион Германија со 93-88 во Загреб во квалификациите за Светското првенство (СП).

Двете екипи имаа добри и лоши моменти во првата четвртина, а Германците поведоа со 26-20 по воведните 10 минути. Гостите ја контролираа играта и во вториот дел, па на полувреме заминаа со 50-46.

Хрватска успеа да направи пресврт во третата четвртина, по што следеше драматична завршница и триумф на домашниот состав со 93-88.

Дарио Шариќ со 23 поени ги предводеше Хрватите до триумф, додека Марио Хезоња додаде 21 поен.

Фото: Hrvatski košarkaški savez/Facebook