Српски тенисер плачеше по поразот на стартот на Австралија опен – откри и зошто!

18 јануари 2026 - 09:29

Во исчекување на првото појавување на најдобриот на сите времиња, Новак Ѓоковиќ, настапот Австралијан опен не започна добро за другите српски тенисери, откако Миомир Кецмановиќ беше елиминиран во исцрпувачки меч од Томас Мартин Ечевери (2-6, 6-3, 6-4, 3-6, 4-6).

Тој по завршувањето на дуелот, со солзи во очите зборуваше пред новинарите.

„Во овој момент тенисот не ми е толку важен. Играм колку што можам“, изјави српскиот тенисер за „Спорт клуб“.

Набргу потоа следеше и објаснувањето за неговата емоционална состојба.

„За Божиќ ја загубив баба ми, така што… тоа е тоа“, додаде Кецмановиќ.

Новата година за него започна исклучително тешко и на резултатски план – со три порази во низа, на турнирите во Хонг Конг, Аделаида и сега во Мелбурн.

„Ниту овде, ниту во Аделаида не се предадов. Тоа е единственото позитивно“, искрено констатираше српскиот тенисер.

Кецмановиќ треба повторно да се појави на терените на почетокот на февруари, на турнирот во Монпелје, кој е закажан од 2 до 8 февруари, каде ќе се обиде да ја врати формата и да го надмине тешкиот период низ кој поминува.

ФОТО: EPA PHOTO