Репрезентација членка на ФИФА седум години не сакаше да игра натпревари - сега тоа се промени!
Еритреја беше единствената членка на ФИФА која немаше ранкинг, бидејќи оваа африканска држава со години одбиваше да ги игра своите натпревари, иако имаше право на тоа и не учествуваше на ниту едно официјално натпреварување речиси седум години.
Причината е бизарна. тамошната фудбалска федерација избегнува да игра меѓународни натпревари со цел да спречи фудбалерите да ги искористат гостувањата за бегство од земјата и барање политички азил.
Еритреја го загуби својот ранкинг бидејќи, според правилата на ФИФА, селекција која 48 месеци не одигра официјален натпревар го губи правото да биде дел од светската ранг-листа.
🇪🇷 Eritrea, the only FIFA country that did not enter 2026 World Cup qualification, have announced they will take part in qualification for AFCON 2027.
— The Sweeper (@SweeperPod) January 8, 2026
Eritrea have not been permitted to play an official match for over six years by the country's repressive regime, which deems the… pic.twitter.com/9CIXL1WFcz
Оваа африканска репрезентација последен пат настапи во 2019 година, на гостувањето кај Уганда, каде што беше поразена со 3-0. Сега, речиси седум години подоцна, Еритреја официјално соопшти дека се враќа, а првото натпреварување на кое ќе учествува ќе бидат квалификациите за Африканскиот куп на нации 2027.