Гризман со фантастичен гол го спаси Атлетико од нов кикс (ВИДЕО)

13 декември 2025 - 16:16

По два пораза во низа, екипата на Атлетико се врати на победнички патеки во Ла Лига откако попладнево на домашен терен ја совлада Валенсија со 2-1.

Малку недостасуваше гостите да направат изненадување бидејќи до 74. минута резултатот беше 1-1, но на сцена потоа стапи Антоан Гризман кој на фантастичен начин прими една топка во шеснаесетникот и со прекрасен удар го совлада голманот на Валенсија. Претходно, Коке го отвори резултатот во 17. минута, а Бертран израмни кон средината на второто полувреме.

Со оваа победа Атлетико се зацврсти на четвртата позиција на табелата во Ла Лига и се доближи до Реал кој утре го игра натпреварот на гости кај Алавес.