Алкараз по поразот од Синер замина во „илегала“ – го откажа настапот за Шпанија!

Тој го напуштил Торино по поразот во финалето од Јаник Синер и со својот тим се преселил во Болоња, каде што „црвената фурија“ треба да настапи на завршницата од најголемото репрезентативно натпреварување. Но, магнетната резонанца направена по пристигнувањето открила подлив и преголемо оптоварување на мускул во задниот дел од неговата десна нога.

Не сакајќи да го ризикува здравјето по исклучително напорната сезона и 80 одиграни мечеви, Шпанецот решил да се повлече од турнирот. Наместо него, Шпанија ќе настапи со Хаиме Мунар и Пабло Карењо Буста во сингл мечевите, додека Марсел Гранолерс и Педро Мартинес ќе настапат во двојки.