Делегација на Реал му оддаде почит на Диого Жота (ВИДЕО)

04 ноември 2025 - 09:55

Шпанскиот гигант Реал вечерва му гостува на Ливерпул во Лигата на шампионите, а синоќа, неколку претставници на клубот му оддадоа почит на неодамна загинатиот поранешен фудбалер на премиерлигашот Диого Жота.

Делегацијата беше предводена од тренерот Чаби Алонсо и англискиот репрезентативец Трент Александер Арнолд, двајцата поранешни фудбалери на Ливерпул, потоа директорот Емилио Бутрагењо и дефанзивецот Дин Хујсен.

 

 

„Пријателе мој, Диого. Многу ни недостасуваш, но се уште многу те сакаме. Споменот за тебе и Андре ќе живее вечно“, пишуваше, меѓу другото, во емотивната порака од Александер Арнолд.

Диого Жота го загуби животот на почетокот на јули во сообраќајна несреќа во родната Португалија, заедно со брат му Андре.