Риека ја доби дводневната битка против Спарта Прага

24 октомври 2025 - 17:32

Фудбалерите на Риека го совладаа тимот на Спарта од Прага со 1:0 во дуелот од второто коло на Лигата на конференции, на стадионот „Руевица“.

Натпреварот започна вчера кога беше одиграно првото полувреме, но поради обилните дождови мечот мораше да биде прекинат. Денес продолжи вториот дел, а хрватскиот шампион стигна до заслужен триумф и првите три бода во натпреварувањето.

Иако Риека оваа сезона не игра на нивото од минатата година, успеа да слави благодарение на голот на напаѓачот Даниел Аду-Аџе на 15 минути пред крајот на средбата. 

Во следното коло, Риека ќе гостува кај Линколн на Гибралтар, додека Спарта ќе го пречека полскиот Раков.