МЗТ подобар од Ангели, Пелистер се измачи против Маџари

24 октомври 2025 - 21:29

МЗТ Скопје ја продолжи победничката серија во кошаркарската Суперлига, откако го надигра КК Ангели со 78-55, додека Пелистер по две продолженија го надигра Маџари со 101-90.

Екипата од Аеродром тргна моќно во мечот и ја доби првата четвртина со двоцифрена предност (26-12), по што продолжи да доминира во остатокот од мечот за на крајот да слави со 78-55.

Најефикасен во победничкиот тим беше Мекејден со 15 поени, додека Ибраими, Балов и Атанасов запишаа по девет поени за Ангели.

Маџари одигра извонредно од самиот старт против Пелистер и ја доби првата четвртина со 25-14, додека на полувреме водеше со 45-33.

Битолчани на стартот на вториот дел успеаја да ја вратат неизвесноста, па дури и да поведат со 59-58. Маџари, сепак, во вториот дел беше многу блиску до победата, но Пелистер во последните минути израмни и изборија продолжение.

Во дополнителните пет минути повторно се водеше голема битка, а на крајот двете екипи стигнаа до 85-85, по што мораше да се игра уште едно продолжение каде што Маџари го загуби здивот, а Пелистер ја запиша победата.

Најефикасен во победничкиот тим беше Прајс со 24 поени, додека Стејплтон имаше 21 поен кај Маџари.