По Албанија, Србија доби шлаканица и од Косово

14 октомври 2025 - 08:14

Откако остана само со теоретски шанси за пласман во баражот за Светското првенство преку квалификациите, српската фудбалска репрезентација имаше надеж дека ќе дојде дотаму преку Лигата на нации.

Во првиот случај доби жестока шлаканица од Албанија на домашен терен во саботата, а синоќа Косово им ја продолжи агонијата на Србите со сензационалниот резултат на гостувањето во Шведска. Во дополнителните квалификации ќе учествуваат 16 репрезентации, распоредени во четири мини-турнири со по четири селекции, а победниците од секој турнир ќе изборат пласман на Светското првенство. Пласман во тие квалификации има за 12 второпласирани репрезентации во групите и уште четири најдобро рангирани од Лигата на нации кои во квалификациите не биле први или втори.

Standings provided by Sofascore

За Србија да добие место во нив, потребно беше Шведска во својата група да биде меѓу најдобрите две репрезентации, но тоа по се изгледа нема да се случи. Синоќа Косово славеше во Шведска со 1-0, со голот на Аслани, па сега има седум бода, а Швеѓаните со само еден се наоѓаат на последното место на табелата. 

За Србија да се надева на место во дополнителните квалификации, потребно е Косово да ги загуби двата последни натпревари, Шведска да ги добие, а притоа да ја надополни гол-разликата од -4 во однос на балканската репрезентација.