Катастрофа за Барселона: Флик остана без уште една ѕвезда за „Ел Класико“

14 октомври 2025 - 13:40

Шпанскиот шампион Барселона се соочува со големи проблеми пред вечното дерби против Реал Мадрид, затоа што во меѓувреме отпадна уште една ѕвезда за „Ел Класико“, а тоа е Роберт Левандовски.

Левандовски има сериозна повреда, поради која се очекува да паузира еден месец, а на теренот може да се очекува дури за средбата против Атлетик Билбао на 23 ноември.

Барселона претходно остана без Дани Олмо и Феран Торес кои се повредија, додека до „Ел Класико“ се очекува во акција да се вратат Фермин Лопез, Рафиња и Ламин Јамал, но засега нема официјална потврда.