Роналдо имаше дуел со голманот на Ирска, саркастично му аплаудираше (ВИДЕО)

13 октомври 2025 - 17:54

Кристијано Роналдо повторно се најде во центарот на вниманието во текот на натпреварот од квалификациите помеѓу Португалија и Ирска, но сега поради случувања со голманот на гостите, Келехер.

Португалија славеше победа од 1-0, а херој беше Рубен Невеш кој постигна гол во 91. минута, меѓутоа оваа средба донесе и многу фрустрации за португалскиот ас.

Во 76. минута Роналдо имаше прилика да погоди од пенал, но неговиот удар го одбрани ирскиот чувар на мрежата, веднаш потоа тој бурно прослави пред Роналдо. Тоа бил негов одговор на претходни провокации од Роналдо кој му гестикулирал да не одолговлекува, па дури и саркастично аплаудирал пред него.