Трамп најави спектакл пред Белата куќа каков што досега светот не видел!

06 октомври 2025 - 14:53

Американскиот претседател Доналд Трамп ги потврди шпекулациите во медиумите дека ќе се одржи УФЦ-спектакл пред Белата куќа следната година.

Првиот човек на УФЦ, Дена Вајт претходно објави дека првичниот датум е планиран за 4 јули, кога се слави 250-годишнината од американската независност, но очигледно Трамп има поразличен план.

„На 14 јуни следната година ќе имаме голем УФЦ-спектакл во Белата куќа“, кажа американскиот претседател.

Засега не е познато кои борци ќе се појават на настанот, меѓутоа еден од нив би можел да биде Конор Мекгрегор, кој одамна не се борел во рингот.

ФОТО: X.com