Дончиќ повторно мета на критики, го фатија со хамбургер!

03 октомври 2025 - 13:42

Лос Анџелес Лејкерс како и сите други НБА тимови оваа недела ги започнаа подготовките за новата сезона, а во центарот на вниманието се најде Лука Дончиќ кој беше забележан како јаде хамбургер во неговиот автомобил.

Една од главните теми во текот на летото беше физичката форма на Дончиќ кој успеа да направи неверојатна трансформација откако претходно често беше критикуван поради вишокот килограми.

Сепак, сега тој доби критики јавноста откако беа објавени негови фотографии со хамбургер од ланецот на брзата храна „In-N-Out Burger“ во Калифорнија.

Фотографиите брзо станаа вирални, а дел од фановите го предупредуваат словенечкиот кошаркар дека би можел да тргне по старите патеки пред самиот почеток на сезонаата.

Инаку, Дончиќ на мерењата пред оваа сезона беше тежок 111 килограми што е за седум повеќе од почетокот на минатата, но Американците тоа го препишуваа на добивањето на мускулна маса.

Фото: LA Lakers/X