Миовски наскоро ќе добие нов тренер, Ренџерс му подготвува отказ на Мартин!

15 септември 2025 - 14:45

Глазгов Ренџерс го има најлошиот старт во историјата, тимот уште чека на својата прва победа оваа сезона во шкотското првенство, а цехот за тоа треба да го плати тренерот Расел Мартин.

По пет одиграни кола Ренџерс е на 10. место од 12 екипи во најдобрата шкотска лига, славниот тим има четири нерешени и еден пораз.

Во минатото коло загубија на свој терен од Хартс со 2-0, а со тоа почна да се губи трпението на управата.

Шкотските медиуми пишуваат дека Ренџерс е во потрага по нов тренер, а кога ќе го најде ќе му врачи отказ на Расел Мартин.

Миовски играше на два натпревари за Ренџерс, но засега нема дадено гол. Можеби ќе биде поинаку со новиот тренер.