„За кокаин добиваат шест месеци, а мене за сируп против кашлица ме суспендираа две години“

13 септември 2025 - 10:20

Aргентинецот, Папу Гомез наскоро се враќа на фудбалот по суспензијата од две години која ја доби поради сируп против кашлица, но и понатаму не може да се помири и смета дека е неправедно тоа што му се случило.

Гомез го освои Мундијалот со Аргентина, но набрзо потоа следуваше шок за него откак одоби казна од двегодишнаа суспензија откако падна на допинг тест.

Начинот на кој ја доби суспензијата е навистина бизарен. Фудбалерот се напил сируп против кашлица од неговите деца и заборавил да го пријави кај докторите на Севиља и допинг контролата.

 „Некоj поради кокаин или марихуана ќе добие шест месеци. Јас добив две години затоа што земав од сирупот против кашлица на моето дете. Која е логиката на сето ова?. Но еве, го пребродив сето ова и наскоро ќе се вратам на терените. Бев навистина лут, навистина бесен. Едно време не сакав ниту да гледам фудбал, го исклучував телевизорот. Фудбалот беше мртов за мене. Се изолирав и почнав да работам со психолог бидејќи влегов во круг од кој не можев да излезам“, изјави Гомез.

Во својата кариера Аргентинецот го носеше дрессот на: Арсенал Саранди, Сан Лоренцо, Катанија, Аталанта, Севиља, Металист Краков, Монца и Падова.

Фото: Atalanta B.C/X