Пелистер се пофали со уште едно американско засилување

06 септември 2025 - 12:21

Кошаркарскиот клуб Пелистер го креира ростерот за новата сезона, а последен кој потпиша за битолчани е американскиот кошаркар, Џордан Скипер Браун.

Се работи за 27-годишен играч кој во Пелистер доаѓа од Трабзон. Тоа е кошаркар кој настапува на позицијата крилен центар.

Џордан Скипер Браун по настапите во НЦАА лигата се пресели во Европа, најпрво во белгискиот клуб Лувен, потоа играше и за тимот на Брисел. Една година мина во словенечкиот шампионат, а пред две сезони беше дел од силната ВТБ-лига, и тоа како член на Астана. Ланската сезона Скипер Браун со успех настапуваше за турскиот тим Трабзон.

Џордан Скипер Браун е четвртото странско засилување на Пелистер, по ангажманите на Никола Малешевиќ, Остин Прајс и Брејси Дејвис.