Лука Модриќ и покрај поразот на Милан влезе во историјата на Серија А!

24 август 2025 - 10:17

Хрватскиот фудбалер, Лука Модриќ, испиша историја во Серија А, откако синоќа на 39-годишна возраст првпат настапи на официјален меч во дресот на Милан и стана најстар дебитант што некогаш заиграл во италијанското првенство.

Легендарниот играч за врска се појави на терен во второто полувреме од дуелот со Кремонезе, кога резултатот беше 1-1. Но, „росонерите“ не успеаја да го избегнат поразот и пред својата публика загубија со 1-2.

Модриќ во Милан пристигна како слободен агент по истекот на неговиот договор со Реал Мадрид. Во септември тој ќе наполни 40 години.

ФОТО: EPA PHOTO