Баерн фуриозно ја отвори сезоната, Лајпциг прегазен во Минхен! (ВИДЕО)

22 август 2025 - 22:31

Фудбалерите на Баерн Минген фуриозно ја отворија новата сезона во Бундеслигата и го прегазија Лајпциг со 6-0.

Работата избраниците на Компани ја завршија уште во првото полувреме кога посттигнаа три гола.

Олис го отвори резултатот во 27. минута, а пет минути подоцна на сцена стапи новото засилување за баварцте, Луис Дијаз кој се погрижи за 2-0. Олис пред крајот на првиот дел постигна и трет гол за веќе убедливо водство на фаворитот.

Ако во првото полувреме го немаше, Хари Кејн беше расположен во вториот дел кога ги постигна преостанатите три погодоци. Одличен беше и Луис Дијаз кој на двапати асистираше.

Македонскиот репрезентативец, Елиф Елмас кој се очекува до крајот на преодниот рок да го напушти Лајпциг вечерва не беше во составот.