Алиоски стрелец за Лугано во пирова победа над Целје!

14 август 2025 - 21:51

Лугано со 4-2 славеше на гостувањето кај Целје, но словенечкиот тим победи со 5-0 во Швајцарија, па денешниот триумф на швајцарскиот тим не смени многу.

Она што е интересно за нас од овој меч е настапот на Џани Алиоски. Македонскиот репрезентативец беше стартер и го одигра целиот натпревар.

Тој беше еден од најдобрите во својот тим, а во 85. минута постигна гол од пенал со кој го постави конечниот резултат од 4-2 за Лугано.

Целје со вкупни 7-4 продолжува во плејофот од Конференциската лига, за Лугано настапот во Европа е завршен.