Во Ла Лига има клуб бетер од Шкупи - имаат регистрирано само тројца фудбалери!

14 август 2025 - 20:31

Шкупи е во центарот на вниманието во македонската фудбалска јавност поради неизвесната иднина на чаирскиот клуб, меѓу проблемите е недоволниот број на регистрирани фудбалери, но слична ситуација има и во Шпанија.

Според шпанските медиуми, Леванте има регистрирано само тројца фудбалери а нивниот прв натпревар во Ла Лига е во сабота кога му гостува на Алавез во првото коло.

Регистрирани се еден дефанзивец, еден фудбалер од средниот ред и еден напаѓач.

Социјалните мрежи на клубот не наговестуваат некакви проблеми, се очекува во овие 48 часа клубот да ја заврши процедурата и да регистрира доволен број на фудбалери, но во овој момент ситуацијата е чудна.