Ретеги и официјално стана најскап Италијанец – ја преполни касата на Аталанта!

21 јули 2025 - 21:38

Матео Ретеги ја прифати понудата од Саудиска Арабија и од денеска и официјално е нов член на саудискиот прволигаш Ал Кадсија, кој за неговиот потпис плати 65 милиони евра на Аталанта – највисока сума досега платена за италијански фудбалер.

И покрај интересот од низа врвни европски клубови, 25-годишниот напаѓач се реши за богатата понуда од Блискиот Исток. Според договорот, во наредните три години ќе инкасира по 20 милиони евра по сезона.

Ретеги зад себе има импресивна сезона, во која со 28 постигнати голови беше најдобар стрелец во Серија А. Пред да го облече дресот на Аталанта, настапуваше за Џенова, како и за неколку клубови од Аргентина - Тигре, Талерес, Естудијантес и Бока Јуниорс.

ФОТО: EPA PHOTO