Спартак Трнава, Спарта и Астана меѓу потенцијалните ривали на Вардар ако помине во третото коло

21 јули 2025 - 09:51

УЕФА денеска ги подели екипи во групи пред ждрепката за третото квалификациско коло од Конференциската лига што ќе се одржи во 14 часот.

Вардар е единствен преостанат македонски клуб во ова натпреварување и ќе треба да ја помине Лозана за да стигне до третото коло. Како потенцијални ривали има екипи со кои се среќавал во минатото и нема добро искуство: чешка Спарта Прага од која беше елиминиран во третото квалификациско коло за ЛШ во 2003 година и Спартак Трнава која беше подобра пет години претходно. Тука е и Астана која неколку пати учествуваше во групната фаза од Лигата на шампионите.

Својот потенцијален ривал во третото квалификациско коло, Вардар ќе го добие од следните двојки: Актобе-Спарта, Омонија-Торпедо Кутаиси, Зимбру-Астана, Рига-Дила Гори и Хибернијанс-Спартак Трнава.