Реал Мадрид брзо „заборави“ сѐ што Модриќ направи за клубот (ФОТО)

15 јули 2025 - 08:42

Лука Модриќ од вчера и официјално е фудбалер на Милан каде што пристигна по 13 години поминати во Реал Мадрид.

Хрватскиот ветеран во текот на вчерашниот ден ги заврши медицинските прегледи и со италијанскиот гигант се обврза на едногодишна соработка со опција истата да биде продолжена на уште една година.

Низ годините во Реал Мадрид, Модриќ стана најтрофеен фудбалер во историјата на клубот и одигра речиси 600 натпревари, а освои 28 трофеи, вклучувајќи и шест во Лигата на шампоните. Исто така стигна и до најпосакуваното индивидуално признание „Златната топка“.

Сепак и покрај длабоката трага која ја остави во Мадрид, „кралевите“ веднаш по неговото заминување престанаа да го следат на социјалните мрежи и тоа предизвика реакција помеѓу навивачите.

Фановите брзо ја забележаа промената и нагласуваат дека Лукас Васкез кој исто така замина ова лето и понатаму е на листата.