„Исполнивме сè што побара селекторот, среќни сме со ремито против Белгија“

06 јуни 2025 - 23:42

Македонија одигра нерешено против Белгија (1-1) во третото коло од квалификациите за Светското првенство (СП), а репрезентативецот Јани Атанасов кажа дека е задоволен со освоениот бод.

Атанасов жали за пропуштените шанси во првото полувреме, но смета дека заслужиле на крајот да останат непоразени.

„Го отворивме добро натпреварот, бевме на висина на задачата и ги исполнивме обврските кои ги побара селекторот. Погодивме две стативи, за жал не успеавме да ја затресеме мрежата на Белгија, а потоа примивме несреќен гол. Најважно е тоа што се задржавме на ниво и што се одбранивме до крајот на првото полувреме. Во продолжение отидовме по првиот гол и среќни сме за ремито. Уште ништо не е завршено, се надеваме на триумф против Казахстан“, кажа Атанасов.