Јамал вети дека никогаш нема да направи предавство како Фиго!

02 јуни 2025 - 19:06

Една од најмладите ѕвезди на Барселона, Ламин Јамал има извонредна сезона зад себе во дресот на каталонскиот гигант, а во разговор со новинарите одговараше на различни прашања, меѓу кои беше и дали би го облекол дресот на големиот ривал Реал Мадрид.

Луис Фиго засекогаш ќе остане омразен меѓу навивачите на Барселона затоа што ја напушти Каталонија и го облече дресот на „кралевите“ во 2000 година, а Јамал не планира да направи такво нешто.

„Да заиграм еден ден за Реал Мадрид? Тоа е невозможно, нема шанси да се случи такво нешто“, кажа Јамал.

Талентираниот шпански репрезентативец оваа сезона настапи на 55 меча за Барселона во сите натпреварувања, а притоа постигна 18 голови и 25 асистенции.

Фото: Facebook/FC Barcelona