Узбекистан првпат во историјата ќе игра на Светско првенство

05 јуни 2025 - 21:23

Фудбалската репрезентација на Узбекистан обезбеди пласман на Светското првенство во 2026 година откако денеска во Абу Даби одигра без голови со Обединетите Арапски Емирати, во деветтото коло од групата А во азиските квалификации.

На коло пред крајот на третата квалификациска фаза, Узбекистан се наоѓа на второто место на табелата со 18 бода. Прв е Иран со 20 и таа селекција исто така избори пласман на Мундијалот, како и Јапонија и Австралија од Азиската зона. За Узбекистан тоа ќе биде дебитантски настап на светските првенства, досега има девет учествува на Азискиот куп каде најдобар пласман му е четвртото место од 2011 година.

Досега се познати вкупно девет учесници на претстојното Светско првенство. Покрај четирите од Азија и трите ко-домаќини (Канада, Мексико и САД), на Мундијалот се знае дека ќе играат уште Аргентина и Нов Зеланд.