Навивачите на Реал го нападнаа дебитантот, мораше да ги блокира коментарите

Излезе сам пред Шчесни, но до израз дојде неговото искуство и тој ја промаши чистата ситуација со што пропушти да му донесе бода на Реал и да го остави во живот во борбата за шампионската титула. За своето промашување, Муњоз беше жестоко критикуван и навредуван на социјалните мрежи, па мораше да ги блокира коментарите.

Иронијата е во тоа што Муњоз е роден во Барселона пред безмалку 22 години и своите почетоци во фудбалот ги направил во школата на Барса на 11-годишна возраст. Три години бил во Ла Масија, во генерацијата на Балде, Фермин Лопез и Чави Симонс, играчот кој сега настапува во Лајпциг, а кој своевремено беше сметан за најголем талент во оваа група.

Муњоз оригинално е член на Б-тимот на Реал, но поради големиот број повредени играчи, вчера се најде во комбинација за настап. Дуелот против Барселона беше негово деби во Ла Лига и во првиот тим на Реал воопшто, можеше да биде херој, но излезе трагичар.