УЕФА ги одреди судиите: Романец ќе биде главен во финалето на ЛШ

Главен судија во финалето од Лигата на шампионите каде што ќе се сретнат Интер и Реал Мадрид на 31 мај ќе биде Иштван Ковач од Романија. Нему ќе му асистираат сонародниците Михај Марика и Ференц Туњоги. Четврти судија ќе биде Жоао Педро Силва Пињеиро од Португалија, додека резервен помошник ќе биде Бруно Мигел Алвеш Жезус, исто така од Португалија.

За ВАР ќе бидат задолжени: Денис Јохан Хиглер од Холандија, со поддршка од Кеталин Сорин Попа (Романија) како асистент и Паулус ван Бокел (Холандија).

Битката за трофејот во Лигата на Европа помеѓу Манчестер јунајтед и Тотнем  ќе ја води Феликс Цвајер од Германија, а него ќе му помагаат Роберт Кемптер и Кристијан Диц (обете од Германија). За четврти судија е одреден Маурицио Маријани од Италија, додека резервен помошник ќе биде Даниеле Биндони, исто така од Италија. ВАР тимот ќе биде комплетно германски: Бастијан Данкерт (ВАР), Бенјамин Бранд (асистент ВАР), и Карлос дел Серо Гранде од Шпанија како ВАР-поддршка.

Во последното трето по ранг натпреварување за трофејот во Конференциската лига ќе играат Бетис и Челси, и тука лавен судија ќе биде Ирфан Пељто од Босна и Херцеговина. Негови помошници ќе бидат Сенад Ибришимбеговиќ и Давор Бељо. Четврти судија ќе биде Халил Умут Мелер од Турција, а резервен асистент Керем Ерсој, исто така од Турција. Француски тим ќе биде задолжен за ВАР технологијата и тоа составен од: Жером Брисар (ВАР), Вили Делажо (асистент ВАР) и Марко ди Бело од Италија како поддршка.

Фото: EPA PHOTO