Ендрик: Фудбалот не е убаво место, се надевам син ми ќе стане доктор или адвокат!

01 мај 2026 - 08:45

Младата бразилска ѕвезда, Ендрик кој е член на Реал Мадрид, а игра на позајмица во Лион, изрази надеж дека неговиот син нема да тргне по неговите стапки и нема да стане фудбалер.

Тој би сакал да го види син му во сосема поинакво опткружување отколку она кое го носи фудбалот.

„Фудбалот не е убаво место. Се надевам дека мојот син ќе стане доктор, адвокат или нешто друго“, изјави Ендрик за Гардијан.

„Се надевам дека тој ќе стане прекрасна личност, исклучителен човек. И сакам да ме гледа како нормална личност, не како Ендрик фудбалерот. Фудбалот не е лесен свет, тоа е многу тешко опкружување“.