Анчелоти ќе добие отказ, директор ќе го води Реал на Светското клупско првенство!?

17 април 2025 - 22:27

Станува извесно дека ако не освои некој трофеј, Карло Анчелоти ќе добие отказ од Реал на крајот од сезоната и тоа пред Светското клупско првенство кое ќе се одржи од 14 јуни до 13 јули.

Неговиот наследник ќе биде назначен со важност на договорот од 1 јули, па ќе мора да ја преземе одговорноста и да ја води екипата на натпреварувањето што го организира ФИФА. Шпанските медиуми тврдат дека одговорноста ќе биде префрлена кон поранешниот фудбалер на Реал, Сантијаго Солари кој во моментов е спортско-технички директор на Реал.

Солари има и искуство како прв тренер на Реал, во сезоната 2018/19, по отказот што го доби Жулен Лопетеги. Тогаш не се прослави и доживеа неколку тешки порази, па по завршувањето на сезоната ја напушти функцијата и на негово место беше назначен Зинедин Зидан.