Нико Вилијамс правеше чуда, Атлетик постигна седум гола и го прегази Ваљадолид (ВИДЕО)

23 февруари 2025 - 16:07

Фудбалерите на Атлетик Билбао го декласираа Ваљадолид на својот „Сан Мамеш“ со убедливи 7-1 во рамките од 25. коло во Ла Лига.

Избраниците на Ернесто Валверде одиграа фантастичен натпревар и буквално го прегазија противникот кој ако не се случи чудо наредната сезона ќе игра во ранг подоле.

Мигел Харегизар го започна гол-шоуто во 10. минута по додавањето од Нико Вилијамс, а по понишениот гол на Мамаду Силе за милиметарски офсајд следуваше вистинска рапсодија за домашните фанови.

Во главна улога беше Нико Влијамс кој постигна два прекрасни погодоци кои сигурно ќе претендираат за голови на колото, првиот можеби и кога ќе се собираат впечатоците на крајот од сезоната.

Голови постигнуваа уште Мароан Санади, Ојхан Сансет и Ињаки Вилијамс.

Атлетик во овој момент е четврти со 48 бодови, додека Ваљадолид е на дното со само 15.