Познати се сите учесници на Евробаскетот!

23 февруари 2025 - 22:48

Со завршувањето на денешните квалификациски натпревари се комплетираше списокот на учесниците на Европското првенство, па утрешните мечеви немаат никакво резултатско значење.

Денеска место на Евробаскетот заверија Германија, Црна Гора, Шведска и Исланд, тие им се приклучија на 20. репрезентации кои претходно го добија билетот за континенталниот собир.

Ова значи дека утрешните натпревари, вклучувајќи го и мечот меѓу Македонија и Полска, немаат никакво резултатско значење.

Европското првенство ќе се одржи од 27 август до 14 септември во Кипар, Финска, Летонија и Полска.