Јокиќ до Вестбрук: Да ти го урнам рекордот за трипл-дабл, па ќе те исмевам цел живот!

21 февруари 2025 - 10:27

Српскиот кошаркар Никола Јокиќ продолжи со одличните настапи во НБА-лигата, односно постигна 29 поени и 17 скокови против Шарлот, по што се пошегува со Расел Вестбрук.

Јокиќ имаше порака до неговиот соиграч од Денвер, а се однесуваше на рекордот во трипл-дабл.

„Сакам да ти го урнам рекордот за трипл-дабл. Потоа ќе те исмевам цел живот“, му кажа Србинот на соиграчот.

Вестбрук има 202 трипл-дабл во најсилната кошаркарска лига, додека Јокиќ се наоѓа на третото место со 155.