Чикаго даде само 29 поени за едно полувреме, биковите беа прегазени од Детроит! (ВИДЕО)

12 февруари 2025 - 08:25

Детроит имаше милост за Чикаго, победи „само“ со 40 разлика бидејќи натпреварот го реши уште во првото полувреме во кое домаќините дадоа само 29 поени, конечниот резултат беше 132-92 за Пистонс.

Поранешниот шампион на НБА, Чикаго Булс одигра срамно прво полувреме, во првата четвртина даде 18 поени, а во втората само 11. Во првиот дел биковите имаа една погодена тројка од 23 обиди.

По првото полувреме Детроит имаше водство од 71-29. Но, вториот дел од натпреварот беше рамноправен и на крајот гостите си заминаа со триумф од 132-92.

Најдобар во составот на Детроит беш Бисли со 24 поени, кај Чикаго најефикасниот имаше 12, тоа беше Литванецот Бузелис.

Резултати:

Филаделфија - Торонто 103-106
Индијана - Њујорк 115-128
Чикаго - Детроит 92-132
Феникс - Мемфис 112-119