Годините не го смирија: Рамос намерно клоцна противник и доби црвен картон (ВИДЕО)

17 март 2025 - 11:38

Шпанскиот ветеран, Серхио Рамос, одлично ја започна својата авантура во мексиканскиот Монтереј, постигнувајќи три гола на пет натпревари, но утринава потсети на своите стари денови добивајќи го и својот прв црвен картон во новиот клуб.

Искусниот дефанзивец, кој во текот на кариерата често знаел да реагира импулсивно, беше исклучен во 91. минута од натпреварот против Пумас.

Во ситуација кога Монтереј веќе водеше со 3-1 и победата беше обезбедена, Рамос го шутна противничкиот фудбалер Мартинез Ајала, што му донесе директен црвен картон од главниот судија.