Роналдо: Ако можам да бидам сопственик, зошто да сум тренер или директор?

05 февруари 2025 - 16:06

Еден од најдобрите фудбалери во историјата, Кристијано Роналдо денеска го прославува својот 40-ти роденден, а во своето последно интервју зборуваше и за плановите по завршувањето на кариерата.

Роналдо се уште е активен на терените и веројатно нема да се повлече во блиска иднина и во овој момент игра одлично во дресот на Ал Наср.

Португалецот откри и во каква насока размислува да оди по крајот на кариерата, а тренерската клупа нема да биде местото на кое што ќе го гледаме, исто така не сака ниту некоја директорска позиција во одреден клуб.

„Нема многу смисла да се биде директор на одреден клуб, ако можам да бидам сопственик, зошто да бидам, менаџер, спортски директор или директор? Тоа е мојот сон и убеден сум дека ќе бидам сопственик на клубот. Всушност, се надевам дека ќе поседувам неколку клубови“, изјави Роналдо.