Жирона го победи Лас Палмас, Миовски остана на клупата (ВИДЕО)

03 февруари 2025 - 23:08

Македонскиот напаѓач Бојан Миовски уште ги чека првите минути по паузата поради повреда, неговиот тим денеска го совлада Лас Палмас со 2-1.

Победата рано беше најавена, Руиз погоди уште во осмата минута за водство на Жирона од 1-0.

Во самиот финиш од првото полувреме Руиз пропушти да го постигне својот втор гол на натпреварот откако не реализираше пенал.

Течеше 76. минута кога нововлезениот Асприља даде гол и зголеми на 2-0 за Жирона.

Три минути подоцна Фабио Силва даде гол за Лас Палмас, намали на 2-1 за поинтересен финиш на мечот, но тоа беше конечниот резултат.