Пешевски: Најважно е што победивме и обезбедивме втора фаза!

Иако победата беше убедлива, пикерот Пешевски смета дека не било така рутински како што изгледало.

„Не можам да се согласам дека беше рутински, најважно е што победивме и што продолжуваме во втората фаза. Отворивме малку потешко од очекуваното, бевме во грч, но на крајот искуството и квалитетот го одлучија натпреварот. Не чекаат тешки противници кои бараат пред се една голема подготвеност, но ние сме на добар пат и ќе продолжиме да се бориме и се надеваме да ја радуваме публиката“, изјави Пешевски.

Втората фаза Македонија ја започнува против Австрија во вторник.