Кузмановски: Тешко дојдовме до ова СП – затоа ќе дадеме сѐ за добар резултат!

Ова го пренесува Филип Кузмановски, еден од најискусните репрезентативци во селекција предводена од Кирил Лазаров.

„Расположението и мотивацијата се на највисоко ниво. Пред нас е уште едно големо првенство. Сите знаеме колку беше тешко да дојдеме до него и колку сите напорно работиме за да бидеме дел од овој колектив“, истакна Кузмановски.

Тој нагласи дека тимот веќе од првиот ден започнал со детална анализа на противниците.

„Ќе се соочиме со квалитетни репрезентации, мораме да бидеме добро подготвени и физички и тактички. Ќе имаме доволно време да се спремиме до стартот на првенството“, дополни ракометарот на Пелистер.

Македонските ракометари во следниот период ќе одиграат неколку контролни натпревари, кои ќе бидат клучни за тестирање на тактичките поставки.